ಇತ್ತೀಚೆಗೆ ಈ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದ ಯಶ್, “ಇಬ್ಬರು-ಮೂವರು ಅಲ್ಲ, ಬರೋಬ್ಬರಿ ಐದು ಜನ ನಾಯಕಿಯರ ಜೊತೆ ಅಭಿನಯಿಸುವುದು ಅಷ್ಟು ಸುಲಭದ ಕೆಲಸವಾಗಿರಲಿಲ್ಲ. ಸಿನಿಮಾ ಶೂಟಿಂಗ್, ಡೇಟ್ಸ್ ಮತ್ತು ಕಾಂಬಿನೇಷನ್ ಸೀನ್‌ಗಳ ಸವಾಲುಗಳ ನಡುವೆ ನನ್ನ ಬೆನ್ನಿಗೆ ನಿಂತಿದ್ದು ನನ್ನ ಧರ್ಮಪತ್ನಿ ರಾಧಿಕಾ ಪಂಡಿತ್. ಅವರ ಪ್ರೀತಿ ಮತ್ತು ಪೂರ್ಣ ಬೆಂಬಲ ಇಲ್ಲದಿದ್ದರೆ ನಾನು ಈ ಸಿನಿಮಾದ ಕೆಲಸಗಳನ್ನು ಇಷ್ಟು ನೆಮ್ಮದಿಯಿಂದ ಮಾಡಲು ಸಾಧ್ಯವಾಗುತ್ತಿರಲಿಲ್ಲ” ಎಂದು ಹೇಳಿಕೊಂಡಿದ್ದರು.

​ಯಶ್‌ ಮಾತಿನ ಇನ್‌ಸೈಡ್‌ ಸ್ಟೋರಿ:

ಯಶ್ ಅವರ ಈ ಒಂದು ಮಾತು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, “ಯಶ್ ಕೇವಲ ತೆರೆಮೇಲೆ ಮಾತ್ರ ಹೀರೊ ಅಲ್ಲ, ನಿಜ ಜೀವನದಲ್ಲೂ ಹೆಂಡತಿಯ ತ್ಯಾಗ ಮತ್ತು ಬೆಂಬಲವನ್ನು ಮುಕ್ತವಾಗಿ ಒಪ್ಪಿಕೊಳ್ಳುವ ರಿಯಲ್ ಜಂಟಲ್‌ಮ್ಯಾನ್” ಎಂದು ಅಭಿಮಾನಿಗಳು ರಾಧಿಕಾ ಪಂಡಿತ್ ಅವರಿಗೆ ಫಿದಾ ಆಗಿದ್ದಾರೆ.

​ಸಾಮಾನ್ಯವಾಗಿ ಗ್ಲಾಮರ್ ಪ್ರಪಂಚದಲ್ಲಿ ಇಷ್ಟೊಂದು ದೊಡ್ಡ ಪ್ರಾಜೆಕ್ಟ್ ಮಾಡುವಾಗ ಕುಟುಂಬಕ್ಕೆ ಸಮಯ ಕೊಡುವುದು ಕಷ್ಟ. ಆದರೆ, ಯಶ್ ಅವರ ಸಿನಿಮೀಯ ಜರ್ನಿಯಲ್ಲಿ ರಾಧಿಕಾ ಕೇವಲ ಹೆಂಡತಿಯಾಗಿ ಮಾತ್ರವಲ್ಲ, ಒಬ್ಬ ಪರಿಪೂರ್ಣ ನಟಿಯಾಗಿ ಯಶ್ ಅನುಭವಿಸುವ ಮಾನಸಿಕ ಒತ್ತಡವನ್ನು ಅರ್ಥಮಾಡಿಕೊಂಡು ಪ್ರತಿ ಹೆಜ್ಜೆಯಲ್ಲೂ ಸಾಥ್ ನೀಡಿದ್ದಾರೆ. ಯಶ್ ಅವರ ಈ ಯಶಸ್ಸಿನ ಹಿಂದೆ ರಾಧಿಕಾ ಅವರ ಸೈಲೆಂಟ್ ಸಪೋರ್ಟ್ ಎಷ್ಟಿದೆ ಎಂಬುದಕ್ಕೆ ಯಶ್ ನೀಡಿದ ಈ ಕೃತಜ್ಞತೆಯ ಮಾತುಗಳೇ ಸಾಕ್ಷಿ.

✍️ವೆಂಕಟರಾಜ